Nå er ennå eit driftsår snart omme, men det er nå den
viktigaste jobben vår startar ! For at vi skal kunne fullføre
oppdraget vårt etter avtala treng vi dei siste rekneskapsdokumenta
(fakturaer, kvitteringar, bankutskrifter, kjøpekontrakter m.v.) så
fort som mogeleg på nyåret 2012.
Det fyrste vi må prioritere er arbeidet med eventuelle
oppgåvepliktige utbetalingar som løner og godtgjersler til
tilsette, kårytingar og utbetalingar til næringsdrivande utan fast
utsalsstad (til dømes handverkarar). Hugs på at det ikkje er
frådragsrett for utgifter som er betalt KONTANT om summen er over
kr 10.000 (sum til same person/foretak i løpet av året) ! Dette
gjeld også løner og lønsforskot !
For deg som driv varehandel er det svært viktig at varelageret
blir opptalt så nær 31.12.2011 som råd, slik at vi slepp å bruke
tid på å kalkulere oss fram til rett lager pr. 31.12. Vi vil gjerne
ha lagerlistene saman med bilaga for november og desember ! Hugs å
summere og signere kvart ark eller bok. Lause ark skal som vanleg
vere førehandsnummererte.
Hugs og på at km-standen på næringsbilen skal noterast pr.
31.12.
Vi ynskjer alle kundar og samarbeidspartnarar
GOD JOL
OG GODT NYTT ÅR
Dalen, desember 2011
Sigvart Asle Lie, dagleg leiar
Sigvart Asle Lie, dagleg leiar